嵐晴媽媽

29 Oct 2009 (星期四)

BiBi 放學後, 兩矛女出街食lunch, BiBi 一向都唔鍾意食壽司, 不過今次佢肯試吓喎, BiBi 一試, 簡直愛上咗, 喺迴轉Bar 上, 除咗攞我叫佢攞嘅碟外, 有兩次貪玩, 叫住佢唔好攞, 佢都走去攞, 真係激C! 要我食埋d我唔係咁鍾意食嘅壽司tim! 從此, BiBi 就愛上鰻魚及蟹子囉~

27 Oct 09 (星期二)

BaBa 表妹荷蘭回港渡假, 我哋就去西貢食海鮮, 替表姑洗塵兼farewell, 海鮮檔放哂以下唔知叫乜名嘅海鮮喺地上面, 吸引遊客~

9 Sep 2009 (星期三)

伙計放假前一日(=我坐勞役監前一日), 善用埋時間去街街先得~

約咗婆婆, 大&二姨媽去沙田買嘢, 順道farewell 埋過兩日去英國讀 Final Year 嘅NoNo 表哥~

25 Aug 2009 (星期二)

襯BaBa 例假, 爭取每兩個星期先得一日嘅假期, 去沙田中央廣場, 睇吓傢俱及裝修, 攞吓新屋裝修靈感, 因為9月有3個星期, 伙計放大假返印尼, 我自己照顧兩姊妹起居飲食及家居清潔, 巳經好大鑊, 咪仲話搞新屋裝修tim!

行完廣場, 就出TST攞續icable 嘅禮品, 順道就去咗尖東廣場嘅"巴西燒烤"食 lunch buffet, 如果食埋燒烤就$58, 唔包燒烤只係$38, 同茶餐廳食個set lunch 嘅價錢差不多, 雖然熱食款式唔係太多, 食吓沙律, 幾款餐湯, 即煮意粉, 再食埋都算多款式嘅甜品, 都滿足o架!

16 Aug 2009 (星期日)

姪仔今年會考, 一路都知佢成績唔差, 升讀中六, 應該冇問題, 但係原校升讀, 就五五波啦! 因為往年要24分先可以原校升讀, 好彩! 最終都冇問題! 咁開心, 當然要慶祝吓啦!

Open Rice 有花月庭8折coupon download PLEASE CLICK

15 Aug 2009 (星期六晚)

北海道之旅時, 因機票問題, 叻叻一家係早我哋兩日返香港, 分別嘅時候, 大家都好唔捨得, 當時就安慰BiBi 話, "返到香港會見到叻叻姐姐o架啦!" 返到香港一星期後, 晚飯嘅時候, BiBi 無啦啦提起:"媽咪, 又話返到香港見到叻叻姐姐嘅!",  做Mami, 唔可以言而冇信, 就係咁, 夜一夜, 都約剛返完教會嘅叻叻姐姐食宵夜~

18 July 2009 (星期六晚)

喺街食完晚飯, 回家途中, 問BiBi 約叻叻姐姐佢哋食糖水好唔好, 聯絡後, 原來佢哋唔得閑, 唯有取消啦! 不過BiBi c都唔肯返屋企, 係都要去食糖水, 我同BaBa, 近近哋帶佢喺墟入面食便算! 你睇BiBi 幾滿足~

10 July 2009 (星期五晚)

因為暑假關係, 唔洗早起, 我哋多咗晚間節目, 去奶奶樹食完晚飯, 就落大埔食糖水o勒, 今次去咗Rainbow~

5 June 2009 (星期五)

夜晚, 約咗BaBa班老死飯局, 真係有幾年都冇出街打邊爐啦! 哩個調味架d配料, 簡直令到d食物生色不少, 正~

5 June 2009 (星期五)

Cafe Hyatt/沙田凱悅酒店 - OpenRice 食評

開業咁耐, 一路都想試吓, 閒日Lunch Buffet, 由當初試業階段, 價錢 $98/位, 加幾次後, 加到宜家要$188/位(+10%), 食物質素真係ok! 但係食物選擇就少, 真係唔值咁嘅價錢! 其實佢每樣食物種類都有, 但係每種食物嘅選擇, 就少得出奇! eg. Salad Bar-只係得兩碟菜, 熱盤 - 只係得四碟, 燒味 - 兩款, 海鮮 - 一款, 一d 食Buffet 嘅開心感覺都冇!! 我覺得同區2+2 Cafe/帝都, 都多選擇過佢~

11 May 2009 (星期一)

探完BB都八點幾, 未食晚飯嘅我哋, 近近地, 選擇咗山腳嘅食肆, 因為架車拍喺路邊, 以防抄牌, 都係揀間食肆望到架車, 一間日本嘢, 得小貓三數隻客仔, 所以唔敢幫襯, 另一間就係食泰國嘢, 滿座不突止, 差不多九點都仲排緊長隊, 我哋等咗半小時先有位~

10 May 2009 (星期日)

母親節, 我哋去咗米奇廚師餐廳食Dinner Buffet, 8:00pm 去到, 次輪未開始, 就周圍行吓兼影吓相, 順道離遠睇埋煙花~

4 May 2009 (星期一)

好鍾意食佢個自助Salad Bar, 點任何main course後, 午餐時段: 加$22, 就有餐飲+Salad Bar 一次, 晚餐時段: 加$28, 就有餐飲+餐湯+Salad Bar 一次~

錦田鄉村俱樂部過去旦王花, 只係幾分鐘車程, 前往旦王花詳情: Open Rice

一年前的母親節, 我哋喺樹晚飯, 今次日頭嚟, 個feel 都好正~ 

17 Apr 2009 (星期五)

例牌BiBi 星期五放學, 都諗d節目做吓, Mami on diet 完, 放監, 緊係要食吓Buffet啦! 約埋嘉嘉同學仔, 近近地, 又平平地, 就沙田帝都2+2 Cafe, 舊年好景時, Lunch Buffet 加到去$178, 宜家係優惠價 $141, 再有7折, 不過加一就用返優惠價來計~

小朋友餐墊, 附設顏色筆~

11 Apr 2009 (星期六)

幾日前預約, 本應想試吓新開果間沙田Hyatt, 點知Full 咗, 喺OpenRice 見到哩間平平地, 就試吓, 順道慶祝二家姐&二哥的生日~

OpenRice Details

4 Apr 2009 (星期六晚)

婚前及婚後至家姐仔歲半前, 好多時星期六晚都會約埋大班朋友出去宵夜及去人哋屋企玩至淩晨三四點, 不過BaBa轉工及我全職媽媽後, 都冇哩支歌仔唱, 旱有地, 星期六晚十點幾出咗去花都Magic Dessert 食糖水, 之前雜誌都有介紹過~

28 Mar 2009 (星期六)

去完大埔廣場個冒險樂園, 見到Shakeys Pizza d set lunch 都幾抵食, 四十幾蚊, 個天使麵仲very good tim呀, 份量都夠我同BiBi share, 平時去Pizza Hut, 我同BiBi 要一人一個餐先夠食o架~

26 Mar 2009

幾年前, 去過一次食早餐Buffet, 當時BiBi 都未出世, 今次一家四口, 試吓個Dinner Buffet, weekdays $398加一, 家姐仔張Deluxe Annual Pass 有八折,  我同BaBa 都覺得食物種類多, 而且好有水準tim!

31-12-2008 (星期三)

一早巳經預咗夜晚去奶奶樹打邊爐, BaBa七點收工返到嚟, 再諗多少少餘興節目, 就即刻上網睇吓有乜好戲啱BiBi 睇, 跟住順手訂埋9:50 "大耳仔走天涯" , 之後先出去奶奶樹, 當晚主要係海鮮火鍋, 有賴尿蝦, 鮑魚,  鮮魷魚, 象拔蚌, 蜆, 中蝦, 生蠔, 聖子等, 不過全晚, 除咗食過一隻生蠔外, 全部海鮮都冇試過, 因為唔係我柸茶, 一家四口+伙計, 都係主攻牛丸, 貢丸及肥牛, 正一食肉獸!!